“Alibeaj është i vetmuar, nuk i ka 61 kandidatë”, Ndoka: I trishtuar që arritëm këtu

I ftuar në Euronews Albania, kreu i PDK Nard Ndoka tha se arsyeja se pse Enkeled Alibeaj ftoi kandidatët e primareve t’i bashkohen në zgjedhje është sepse ai vetë nuk i ka 61 emra për kandidatë bashkish.

Ai tha se Alibeaj është njeri i vetmuar që nuk krijon besueshmëri te kolegët e tij. Nard Ndoka shtoi gjithashtu se atij i vjen keq që situata mes demokratëve ka shkuar deri këtu, por Alibeaj ka treguar se është peng i Ramës.

“Enkelejd Alibeaj është një peng i Ramës, ai nuk pati tentativa reale. Në momentin që atij ia dhuroi Rama vulën dhe logon, ai mund të negocionte edhe me Partinë Demokrate te selia, për politikën, për zgjedhjet lkokale, për vazhdimësinë, për pjesën programore, për futjen e fraksionit. Kishte mundësi të përgatiste një platformë që ne ta besonim se ky e ka seriozisht.

Ai nuk ka platformë politike. Ai nuk ka njerëz për kandidatë, nuk i ka 61 kandidatë. Detyra e tij politike nuk është të bëjë ftesë por të thotë se i ka 61 kandidatë. Edhe ai duhet të kishte zhvilluar primaret siç është rregulli. Unë trishtohem pse shkuam deri këtu. Lulzim Bashën e kupton në atë vorbullën e tij, halli i tij është i madh, por Alibeajn nuk e kuptoj.

Nuk arrij ta mirëkuptoj, se është tjetër kur ke një marrëdhënie, detyrime politike, miqësore. Po ky se ka prej tyre, ky për fat të keq është i vetmuar edhe në aspektin njerëzor edhe në atë politik. Nuk është tip që ngjall besim e rrezatim edhe te kolegët e tij”,-tha Nard Ndoka.

LEXONI GJITHASHTU:

• Gazetari: Kërkesa për arrestimin e Ahmetajt është dorëzuar në Kuvend
• Oerd Bylykbashi dhe Ivi Kaso paraqiten në SPAK
• Gazetari: Kërkesa për arrestimin e Ahmetajt është dorëzuar në Kuvend