Gazetari Gëzim Saliu, i ftuar në një lidhje direkte për Euronews Albania ka treguar pritshmëritë e tij për zgjedhjet e 14 majit sa i takon dy grupimeve të Partisë Demokratike.
Gazetari u shpreh se grupimi i Alibeajt i ka nisur shumë vonë përgatitjet për zgjedhjet dhe sipas tij, shanset që kandidatët e këtij grupimi të fitojnë ndonjë bashki janë tepër të ulta. Ndërsa sa i takon grupimit të përfaqësuar nga Sali Berisha, sipas Gëzim Saliut, kanë mundësi të fitojnë 18 apo 20 bashki.
“Në zgjedhje, unë nuk dua atë jem fatalist në parashikim ,por sipas meje kandidatët e zotit Alibeaj nëse hynë në formën siç janë prezantuar deri më tani nuk do të marrin asnjë bashki në zgjedhjet e 14 majit.
Sa i përket grupimit të zotit Berisha dhe mënyrën se si e ka trajtuar gatrën, vetëm nga aspekti se si e ka nisur përpunimin e terrenit që nga dhjetori e tani ka gati 4 muaj që bën takime të shpeshta edhe te kandidatët e dalë nga primarëve, mendoj se maksimumi që mund të shkojhë rithemelimi është 18 deri në 20 bashki që padyshim do të ishin një arritje për rithemelimin në formën si është dhe se si po futet në zgjedhje.
Ky do ishte një rezultat që do i jepte shumë mbështetje Sali Berishës”, tha gazetari Gëzim Saliu.
LEXONI GJITHASHTU: