Alibeaj voton në Tiranë, thirrje për qetësi dhe maturi

Enkelejd Alibeaj ka shkuar në qendrën e tij të votimit në Tiranë rreth orës 9:45.

I shoqëruar nga vajza, Alibeaj ka ushtruar të drejtën e tij të votës.

“Votova për pak minuta sepse besoj se zgjedhja është e lehtë për këdo sot, por kam një mesazh për të gjithë demokratët, për gjithë shqiptarët e ndershëm, për gjithë shqiptarët e lirë. Sot do të duhet të ushtrojnë të drejtën e tyre kushtetuese të votës në mënyrë të qetë, në mënyrë të matur për të bërë një ndarje me të shkuarën. Sot është dita në fakt, sot është dita që shqiptarët, ata të cilët kohë më parë kanë refuzuar votimit, sot do të duhet të vijnë sepse sot është dita për të bërë një ndarje të madhe me të shkuarën dhe kjo është në dorë të shqiptarëve,” – u shpreh Alibeaj.

Sipas tij ky ndryshim do të mund të vijë vetëm me një pjesëmarrje masive në zgjedhje.

LEXONI GJITHASHTU:

• Pjesëmarrja në votime deri në orën 9:00
• Oerd Bylykbashi: Drejtues të PS po pengojnë votimin, presion ndaj votuesve durrsak