Ambasada e SHBA në Tiranë: Kush mashtron për dokumenta me martesë, bën krim

Ambasada e Shteteve të Bashkuara në Tiranë ka bërë thirrje qytetarëve të jenë të kujdesshëm ndaj përpjekjeve për sigurimin e dokumenteve të emigracionit përmes martesave.

Në një njoftim të publikuar në faqen zyrtare në Facebook, Ambasada thekson se mashtrimi përmes martesës është një krim federal në SHBA dhe ndëshkohet me pasoja serioze ligjore.

“Mashtrimi për martesë është një krim federal në Shtetet e Bashkuara dhe mund të çojë në dënime serioze”, thekson Ambasada.

Sipas njoftimit, qytetarëve u bëhet thirrje që gjithmonë të ndjekin rrugët ligjore të emigracionit për të hyrë në SHBA dhe për të siguruar dokumentacionin e duhur.

“Gjithmonë zgjidhni një proces të ligjshëm emigracioni për të hyrë në vend dhe për të siguruar dokumentacionin e nevojshëm”, përfundon njoftimi.

LEXONI GJITHASHTU: 

• SHBA-të sekuestrojnë anijen e dytë cisternë në brigjet e Venezuelës
• Nis hakmarrja e SHBA për vrasjen e tre ushtarëve. Bombardime kundër ISIS në Siri