Ambasadorja greke zbulon porositë e Mitsotakis: Shqipëria dhe Greqia grinden, por…

Ambasadorja greke në Tiranë, Konstandina Kamitsi e ftuar në emisionin” Interview” nga Mirela Milori në Euronews Albania ka folur lidhur me rrugëtimin e saj 3-vjeçar si ambasadore në vendin tonë. Ajo ka theksuar se ka kërkuar vetë që të punonte në Shqipëri teksa tregoi rëndësinë e vendit tonë për Greqinë.

“Kërkova të vija në Shqipëri, nuk më thanë. E kërkova vetë. Shqipëria është një vend shumë i rëndësishëm për Greqinë dhe Ministrinë e Punëve të Jashtme të Greqisë.  Është një nga ambasadat më të rëndësishme që ka, i japin një rëndësi shumë të veçantë.

Pikërisht për këtë është një ambasadë e madhe. Kemi edhe dy Konsullata të Përgjithshme. Është një post shumë i rëndësishëm për Greqinë.

Kështu që dikush jo vetëm duhet të kërkojë për të ardhur por duhet të përzgjidhet për të ardhur. Kryeministri grek e vizitoi Shqipërinë 4 herë gjatë 3 viteve që jam në Shqipëri. Greqia dhe Shqipëria kanë marrëdhënie familjare, ndonjëherë ka grindje por kjo është e vetëkuptueshme në marrëdhëniet familjare”, tha ambasadorja.

“Shqipëria dhe Greqia grinden, por ”! Ambasadorja greke zbulon porositë e Mitsotakis: Erdhi 4 herë në 3 vite pic.twitter.com/hi9cMn97O0

— Euronews Albania (@EuronewsAlbania) December 21, 2025

LEXONI GJITHASHTU:

• “Shumë faleminderit”, ambasadorja greke flet shqip: Më pëlqen byreku shqiptar
• Sulm me armë në Afrikën e Jugut, nëntë të vrarë dhe dhjetë të plagosur