“Shumë faleminderit”, ambasadorja greke flet shqip: Më pëlqen byreku shqiptar

Ambasadorja e Greqisë në Tiranë, Konstandina Kamitsi, shprehu kënaqësinë e saj për të vizituar sërish Shqipërinë, gjatë një interviste në emisionin “Interview” me Mirela Milorin në Euronews.

Përveç çështjeve politike, ambasadorja ndau edhe përvojat personale dhe hobet e saj gjatë kohës që kalon në vendin tonë.

Ambasadorja shprehu admirimin për kulinarinë shqiptare ndërsa në fund të intervistës, ajo surprizoi me një përshëndetje në gjuhën shqipe.

“Shqipëria ka një kulinari shumë të mirë e cila duhet të promovohet më shumë në të ardhmen. Më pëlqejnë shumë restorantet dhe tavernat e agroturizmit të cilat janë zhvilluar në të gjithë vendin dhe vërtetë shfaqin karakterin e veçantë të vendit dhe ushqimin, i cili është i mrekullueshëm. Kam dobësi për byrekun, llojet e byrekëve që gjen në Shqipëri janë të shkëlqyera dhe më pëlqejnë shumë dhe jufkat. Unë pi ose kafe filter ose kapuçino, pra kafe amerikane. Shumë faleminderit për intervistën, me siguri që do të vij”, tha ajo.

Ambasadorja Kamitsi vuri në dukje gjithashtu rëndësinë e promovimit të kulturës dhe turizmit shqiptar ndërsa nënvizoi gjithashtu bashkëpunimin mes Shqipërisë dhe Greqisë në fusha të ndryshme, duke theksuar se marrëdhëniet mes dy vendeve po forcohen në mënyrë të qëndrueshme, si në ekonomi ashtu edhe në kulturë.

Ambasadorja shprehu dëshirën për të vazhduar vizitat dhe për të përjetuar më shumë nga vendi dhe traditat shqiptare.

“Shumë faleminderit”! Ambasadorja greke flet shqip: Do vij sërish në Tiranë! pic.twitter.com/DXEBt3ZlXw

— Euronews Albania (@EuronewsAlbania) December 21, 2025

LEXONI GJITHASHTU:

• Ambasadorja greke zbulon porositë e Mitsotakis: Shqipëria dhe Greqia grinden, por…