Amnistia penale, avokati: Të përfshiheshin dhe kultivuesit e kanabisit

Temë e emisionit Review në Euronews Albania, këtë të shtunë, ishte kalimi në parlament i ligjit për amnistinë penale.

I ftuar në studio, avokati Bledar Meminaj tha se amnistia duhet të përfshinte dhe disa nene të kultivimit të kanabisit.

Meminaj e argumentoi propozimin e tij me faktin se shumica e kultivuesve të kanabisit të arrestuar nuk janë krerët e bandave por të moshuar që e kanë bërë atë punë kundrejt pagesës.

“Duhet të ishin marrë me shumë vepra të tjera penale siç është kultivimi i kanabisit. Duke parë në gjithë kronologjinë e ngajrjeve në vendin tonë që kultivuesit kanë qenë o njerëz në nevojë dhe të moshuar dhe jo krerët e organizatave kriminale. Aq më tepër që duam të aderojmë dhe në legalizimin e kanabisti. Këto vepra duhet të ishin amnistuar për mendimin tim.

Është propozuar dhe një Kod i ri Penal që rrit masën e përdorimit të kanabisit dhe duhet të ishin amnistuar këto vepra penale, si dhe 283-shi, prodhiomi dhe shitja, jo bashkëpunimi. Janë vepra të lehta, pasi shumica janë dënuar me doza të vogla nuk u është faktuar shitja dhe janë dënuar vetëm për mbajtjen e lendës narkotike”, tha Meminaj.

LEXONI GJITHASHTU:

• “Riskoni, merreni përsipër burgun”- Lapaj: Mesazhi që u jepet zyrtarëve nga amnistia
• Amnistia penale, Kthupi: Cilët janë zyrtarët e dënuar nga GJKKO që përfitojnë
• Lapaj: Manja dhe Bardhi gënjyen, amnistia do lirojë zyrtarët e dënuar nga GJKKO