AMP ekzekuton masat e sigurisë për një polic dhe tre punonjës të IMT-së në Shkodër

Agjencia e Mbikëqyrjes Policore (Rajoni Shkodër-Lezhë) ka ekzekutuar vendimin e Gjykatës së Shkodrës, e cila ka caktuar masat e sigurimit personal “Detyrim për t’u paraqitur në policinë gjyqësore”, për një punonjës policie dhe tre punonjës të Inspektoratit të Mbrojtjes së Territorit (IMT), të dyshuar për kryerjen e veprës penale “Shpërdorim detyre”.

Caktimi i masave të sigurisë u bë pas veprimeve hetimore në bashkëpunim me Prokurorinë e Rrethit Gjyqësor Shkodër, bazuar në informacionet e siguruara nga AMP se disa shtetas po ndërtonin në mënyrë të paligjshme, duke u favorizuar nga punonjësit e policisë dhe IMT-së.

Sipas njoftimi zyrtar të amp të përfshirët në këtë rast janë: Anton Demaj, Specialist i Policimit në Komunitet pranë Komisariatit të Policisë Vau i Dejës; D.LL., Inspektor pranë IMT-së, Bashkia Vau i Dejës; J.H., Inspektore pranë IMT-së, Bashkia Vau i Dejës si dhe M.L., Përgjegjës pranë IMT-së, Bashkia Vau i Dejës.

Hetimet vijojnë për të zbardhur tërësisht ngjarjen dhe për të përcaktuar përfshirjen e mundshme të personave të tjerë në këtë veprimtari të dyshuar kriminale.

LEXONI GJITHASHTU:

• “20 mijë euro për ekstradimin”, detajet nga dosja e AMP dhe SPAK
• EMRI/ I mori një personi 20 mijë euro, AMP arreston ish-oficerin e Gardës