Analisti Sami Neza përmendi në “Now me Erla Mëhillin” një detaj të thjeshtë në skandalin CEZ-DIA që mund të “lëvizë ujërat”.
Sipas tij konflikti i interesit në këtë marrëveshje mund t’i shpërbejë SPAK-ut si indicie në hetime.
“Marrëveshja është negociuar nga Komiteti i Energjisë në Vjenë dhe ndërkohë vetë Komiteti i Energjisë ka ardhur në Tiranë dhe ka lobuar në Komisionin e Ekonomisë për këtë marrëveshje e cila atëherë u votua nga socialistët në shumicë,” – u shpreh Neza.
Ilir Meta i cili sot qëndroi për më shumë se 3 orë në SPAK lidhur me këtë çështje deklaroi se ai nuk ka asnjë lidhje me marrëveshjen e nënshkruar dhe nuk ka asnjë dokument që ai të ketë favorizuar këtë kompani.
Gazetari Eni Ferhati sqaroi më herët se mundet që Elvis Mataj, një njeri i afërt i ish-presidentit Ilir Meta, mund të ketë treguar fakte të reja për këtë çështje.
LEXONI GJITHASHTU:
- Deklarata e fortë e Kreshnik Spahiut: Si Meta e kërcënoi Berishën dhe familjen e tij
- Pse u thirr Meta në SPAK? Gazetari: Kush është bërë i penduari për çështjen CEZ-DIA
