Analisti Robert Papa deklaroi se Shtetet e Bashkuara të Amerikës nuk mund ta shpallin “non grata” kryeministrin Edi Rama, për shkak se ky i fundit është në detyrë.

Në një intervistë për Euronews Albania, Papa u shpreh se skandali me zyrtarin e FBI-së, Charles McGonigal është pasqyruar gjerësisht në mediat amerikane, teksa është përmendur edhe kryeministri Rama.

“Ç’mund të bëjnë këta? “Non grata”, teknikisht nuk e bëjnë dot se është në detyrë. Por politikisht, është një goditje e madhe, jo vetëm për Ramën, por për të gjithë ne. Përmendet kudo, në çdo shkrim. Të gjitha e kanë përmendur me emër.

Natyrisht, politikisht është goditje e madhe. Ai mund të ketë dhënë edhe dëshmi, ne nuk e dimë, kanë qenë dy vite hetime”, theksoi ai.

LEXONI GJITHASHTU

• Çështja “McGonigal”, analisti Papa: Në SHBA kërkohet dorëheqja e drejtorit të FBI-së
• ‘Çudi e madhe dashuria e FBI-së me Sigurimin e Shtetit’, Murrizi tregon faktet
• Çështja “McGonigal”, Murrizi: Ja arsyeja pse Rama i besoi Agron Nezës