Analisti përgëzon policinë e Kosovës: Ulja e kriminalitetit në Veri, meritë e juaja

Analisti Nexhmedin Spahiu ishte i ftuar këtë të shtunë në një lidhje direkte për Euronews Albania, ku komentoi zhvillimet e fundit që po ndodhin në veri të Kosovës.

Spahiu tha se situata në veri të Kosovës duket se është qetësuar dhe se policia ka tërhequr rreth 25% të trupave të saj.

Ai shtoi se rendi dhe siguria në Veri ka një përmirësim të ndjeshëm, ku ulja e kriminalitetit është meritë e policisë së Kosovës.

“Do të varet shumë edhe nga qëndrimi i ndërkombëtarëve, asnjëherë veriu i Kosovës nuk ka qënë më i integruar se sa tani, asnjëherë rendi dhe ligji nuk ka funksionuar në shumicën e kohës, që pas lufte e këtej, më funksional sesa tani. Madje mund të them se rendi dhe ligji në veri të Kosovës po respektohet më mirë sesa në vetë Prishtinën. Besoj që Policia e Kosovës me gjithë angazhimin e vet në Veri ka merituar notë jashtëzakonisht të lartë si institucion, në dallim prej shumë institucioneve të tjera të shtetit të Kosovës që lënë për të dëshiruar, sidomos gjykatat , prokuroritë dhe inspektoriatet”, tha Spahiu.

LEXONI GJITHASHTU:

• Sot tërhiqen edhe 25% e policëve nga ndërtesat e komunave në veri të Kosovës
• Lajçak përshëndet vendimin e Kosovës për tërheqjen e 25 % të policisë në Veri