“Anëtarët e Hamasit do vriten”, Goxhaj: Ja çfarë fshihet pas planit me 20 pika

Dritan Goxhaj, ish-luftëtar i UÇK komentoi në emisionin Now në Euronews Albania planin me 20 pika të prezantuar nga presidenti amerikan Donlad Trump për t’i dhënë fund luftës në Gaza.

Sipas Goxhajt, synimi i këtij plani është që Gaza të vihet totalisht nën kontrollin e Izraelit dhe të shuhet rezistenca e armatosur me vrasjen e të gjithë anëtarëve të Hamasit.

“Synimi është që të marrë totalisht në kontroll Gazën, pasi ky plan në disa pika të tij ja jep totalisht në kontroll Izraelit. Ushtria izraelitë mbetet në Gaza deri në momentin që ata e shohin të arsyeshme që është vënë siguria dhe pushtuesi nuk e sheh asnjëherë të arsyeshme të tërhiqet. Dhe e dyta, pse them eliminimin e Hamasit se thotë amnisti, nuk po i përzënë, ata që amnistohen sërish do jenë objektiv i Mosadit që nuk e di kush janë anëtarët e Hamasit, di disa koka, por 30 mijë anëtarë të Hamasit nuk i di. Është eliminimi, është e njëjta taktikë që përdorin këta për të eliminuar çdo lloj rezistence. E njëjta taktikë u përdor me UÇK, u propozua dhe u firmos në mënyrë të gabuar demitilarizimi dhe shpërbërja e UÇK dhe sot ata zotërinj i ke në Hagë. Po mos të ishte shpërbërë UÇK, por të ishte kthyer në ushtri të Kosovës, ata sot nuk do ishin në Hagë”, tha Goxhaj.

LEXONI GJITHASHTU:

• Hamasi kërkon ndryshime në planin e Trump, ndasi brenda grupit palestinez
• Vendet arabe shtojnë presionin ndaj Hamasit: Pranoni paqen