Anglia fitoi 2-0 me Shqipërinë në ndeshjen e vlefshme për kualifikueset e Botërorit 2026 në takimin i cili u luajt në mitikun “Wembley”

Shqipëria e nis me humbje fushatën eliminatore për Botërorin 2026 ku konfirmoi edhe një herë vështirësitë përballë “Tre Luanëve”, pasi kjo është humbja e shtatë në historinë e përballjeve mes dy skuadrave, në po kaq ndeshje të zhvilluara.

Golat për vendasit u shënuan nga Lewis-Skelly në minutën e 19-të dhe Harry Kane në minutën e 77-të, duke mbyllur takimin me një fitoren të sigurt për Anglinë.

Kombëtarja shqiptare do të përpiqet të rikuperohet dhe të gjejë pikët e para në ndeshjet e ardhshme të eliminatoreve për Botërorin.

Në këtë takim, gjykoi spanjolli Alejandro Hernández, i cili u asistua nga bashkëkombësit e tij José Naranjo, Diego Sánchez Rojo dhe Alejandro Muñiz Ruiz. Ndërkohë, në VAR janë César Soto Grado dhe Valentín Gómez.

Formacionet zyrtare:

Anglia: Pickford, Walker, Rice, Konsa, Burn, Lewis-Skelly, Jones, Bellingham, Foden, Kane, Rashford
Trajner: Thomas Tuchel

Shqipëria: Strakosha, Balliu, Aliji, Ajeti, Gjimshiti, Asllani, Asani, Ramadani, Bajrami, Laçi, Uzuni
Trajner: Silvinho

LEXONI GJITHASHTU:

• Shqipëria luan me fanellën e zezë kundër Anglisë në Wembley, zbulohet arsyeja
• Dalin fotot, si do jenë fanellat e reja të Kombëtares për kualifikueset e Botërorit