Anglia zyrtarizon Tuchel, gjermani bëhet i huaji i 3-të pas Ericsson dhe Capello-s

Thomas Tuchel është trajneri i ri i 3 Luanëve. Federata angleze dhe trajneri gjerman ranë dakord dhe dita e parë e punës do të jetë 1 Janari i vitit të ardhshëm në prag të eliminatoreve për botërorin e vitit 2026.

Kohëzgjatja e kontratës është 18 muaj dhe asistenti i Tuchel do të jetë vendasi Anthony Barry me të cilin gjermani punoi te Chelsea dhe Bayern.

Kjo është aventura e parë në drejtimin e një kombëtareje për Tuchel që karrierën e nisi te Mainz 05 përpara kalimit te Borussia Dortmund ku ai fitoi Kupën e Gjermanisë. Puna e tij nuk mbeti jashtë vëmendjes dhe Paris SG i besoi stolin dhe Tuchel nuk zhgënjeu duke fituar të 3 trofetë në Francë, kampionatin dhe dy Kupat atje.

Më pas u transferua në Angli, në kryes të Chelsea-t arriti rezultatetin më të lartë, fitoi UCL, Superkupën e Evropës dhe Botërorin e klubeve. Kthimi në Gjermani rezervoi stolin e Bayern ku në 15 muaj fitoi Bundesliga’n përpara se të shkarkohej 1 vit përpara fundit të kontratës. Bavarezët i kanë premtuar se punëdhënësi i ri nuk do të paguajë komision për ta liruar nga kontrata me ta. Në shenjë vlerësimi për atë çka ai bëri në Mynih.

Në karrierën e tij ai ka drejtuar në 651 ndeshje duke fituar 351 prej tyre dhe bëhet traineri i 3 i huaj në stolin e 3 Luanëve, pas të ndjerit Sven Goran Erikson në vitet 2001-2006 dhe Fabio Capello’s në vitet 2008-2012.

LEXONI GJITHASHTU:

• Bayern i pakënaqur me Tuchel/ Gjermani s’i bind drejtuesit, Alonso si zëvendësues
• Bayern nuk gjen qetësi, Tuchel përplaset me drejtuesit e rinj, shkak bëhet merkato