Anulimi i mbledhjes së qeverive, Çollaku: Rama i vendosi sanksionin e parë Kosovës

Deputeti i PD, Kreshnik Çollaku ka reaguar në lidhje me anulimin e mbledhjes së përbashkët mes dy qeverive që do të mbahej ditën e sotme në Gjakovë.

I ftuar në Euronews Albania, ai theksoi se me anulimin e mbledhjes, Rama i vendosi sanksionin e parë Kosovës.

Më tej ai nënvizoi se Kosova është e vetmuar në sy të ndërkombëtarëve.

“Në momentin që në këtë situatë të vështirë për Kosovën, Rama anulon  në mënyrë të njëanshme një mbledhje të përbashkët të dy qeverive që ishte paralajmëruar kohë më parë. Ky është një sanksion. Rama i vendosi sanksionin e parë Kosovës. Ky është njëj akt anti-historik. Është një akt që e turpëron Shqipërinë. Është një projektim i qartë që Kosova është e vetmuar  në sytë e ndërkombëtarëve. Kjo është një goditje e pabesë dhe një ekspozim i Kosovës. Kjo është anti-historike”- tha ai.

LEXONI GJITHASHTU: 

• Porti i Durrësit shkon në Kushtetuese, nesër shqyrtohet padia për Parkun e Butrintit
• Pasardhësi i Stoltenberg, detyra e vështirë e Perëndimit për drejtuesin e ri të NATO