Apeli i GJKKO merr vendimin për Berishën, rrëzon kërkesën

Apeli i GJKKO merr vendimin për ish-kryeministrin Sali Berisha duke rrëzuar kërkesën e bërë më herët që atij t’i mundësohet marrja pjesë në seancat plenare.

Sipas avokatit të tij Genc Gjokutaj tha “ata nuk pranojnë në mënyrë absolute, kërkojnë që të trajtohet si një njëri i thjeshtë pa marrë parasysh mandatin e tij”. Avokati shtoi se ky vendim ishte i pritshëm.

“Ky është një ogur i zi për drejtësinë dhe për shoqërinë, sidomos për rastin konkret për të cilin flasim. Të tallesh me mbrojtjen me insituttin e mbrojtjes, me institutin e mbrojtjes, me kushtetutën e Shqipërisë, të tallesh me ligjin procedurial penal dhe të thuash nga ora 9-10 hajdeni në 3 e gjysmë e të japësh dispozitivin në vendim të paarsyetuar, këta kanë një guxim të çartur.

Ne e prisnim këtë rrëzim, sot u vërtetua shkelmimi i Kushtutës nga Gjykata e Apelit, këta kanë shkelur kushtetutën e Shqipërisë sepse zoti Berisha nuk është një punëmarrës, ai trajtohet nga Kushtetuta e Shqipërisë në rastet kur mandati mbaron apo ndërpritet. Kërkesa për dhënien e lejes për të vajtur në Kuvend është një kërkesë e pjesshme”,- tha për mediat Genc Gjokutaj.

I pyetur nëse ia rrezikon ky vendim mandatin e deputetit ish-kryeministrit Berisha, avokati Gjokutaj u përgjigj:

“Në pikën e fundit të dispozitës flitet për mbarimin e mandatit. Zoti Berisha nuk mungon në Kuvend pa arsye, dispozita kërkon arsyen. Nëse do të quhet arsye çartja e SPAK-ut atëherë do të shikojmë se çfarë do ndodh”,-tha avokati Gjokutaj.

LEXONI GJITHASHTU:

• Basha: Rama, Berisha e Meta janë bërë bashkë kundër SPAK dhe Reformës Zgjedhore
• “Berisha s’ka nevojë ta njohë Rama”! Demokrati mbron marrëveshjen