Menaxheri Serxhio Mezi ishte i ftuar këtë të premte në Euronews Albania nga ku ka komentuar zhvillimet për merkaton e dimrit.
Ai ka ndarë disa detaje për lojtarët e kombëtares shqiptare duke theksuar se sulmuesi kuqezi, Arbër Hoxha do të jetë tashmë pjesë e klubit futbollistik italian Cagliari.
“Arbër Hoxhën e shikoj me një skuadër tjetër, afër Cagliari pasi ka një interesim të madh. Jemi në negoaciata që Arbër Hoxha të jetë pjesë e Cagliari pasi kjo e fundit, ka një periudhë shumë të vështirë për qëndresën në serinë A, dhe i duhet një profil si Arbër Hoxha. Gjithashtu dua të shtoj se është avancuar dhe pjesmarrja e Mirlind Dakut te Cagliari”, tha Serxhio Mezi.
Ai është ndalur te merkato e këtij janari si dhe ka theksuar që Shqipëria ka shumë elementë të mirë për shkak të ecurisë së tyre.
“Merkato e janarit është pak konfuze pasi aty bëhen merkato lojtarë që nuk kanë pasur shumë hapësira, edhe çështja e Arbër Hoxhës është shumë domethënëse.
Nga ana tjetër Dinamo i kërkon Zagrebit rreth 7 milion e gjysmë për Arbër Hoxhën, duke marrë parasysh që është një lojtar i ri në moshë, është diçka shumë e mirë por dhe normale për atë çfarë ka treguar Hoxha. Lojtarët tonë të kombëtares janë dominantë për shkak të ecurisë së tyre. Edhe Uzuni është një lojtar për të cilin emri i tij po flitet deri në Spanjë, Shqipëria ka elementë mjaft të mirë”, u shpreh menaxheri Mezi.
