Argjentina fiton Kupën e Amerikës, mund në finale Kolumbinë me gol të Martinez

Argjentina ka arritur të fitojë kupën e Amerikës për herë të 16-të në histori.

Skuadra e Lionel Messit triumfoi me rezultatin 1-0 në finale me Kolumbinë, duke arritur kështu të bëhet vendi që e ka fituar më shumë herë këtë kupë.

Ndeshja nisi gati me 30 minuta me vonesë, për shkak të tentativave të shumta të tifozëve të të dyja skuadrave, të cilët megjithëse nuk kishin siguruar dot një biletë, tentonin të hynin në stadium, duke krijuar shumë tensione në prag të fillimit të sfidës.

Dyndja e tyre drejt stadiumit shkaktoi kaos dhe disa persona të plagosur.

Messi u detyrua të lërë fushën e lojës pas një dëmtimi të rëndë në mesin e pjesës së dytë të lojës

Lotët që Messi deri u kthyen në fund në lot gëzimi për të dhe gjithë argjentinasit, pasi Lautaro Martinez, i futur në fushën e lojës pas kohës shtesë, shfrytëzoi mjaft mirë një pasim të Lo Celsos në minutën e 112-të për të shënuar golin e fitores.

Ky ishte një sukses për të besuarit te Scalonit, pasi ishte trofeu i tretë në 4 vitet e fundit dhe i dyti radhazi sa i takon Copa America.

Po ashtu ishte një sukses edhe për Messin, i cili ia ka arritur që gjatë karrierës së tij futbollistike të fitojë çdo trofe të mundshëm.

LEXONI GJITHASHTU:

• ‘Shpërthen’ dhuna në Argjentinë, shkak projektligji i Presidentit për reforma
• Argjentina bëhet gati për kupën e Amerikës, “harrohet” Dybala