Arrestimet e SPAK/ Balluku: Ne krijuam habitatin për drejtësinë, ajo punon e pavarur

Zëvendës kryeministrja Belinda Balluku ka folur për mediat pas mbledhjes së qeverisë këtë të mërkurë ku e pyetur për arrestimet e zyrtarëve nga SPAK ajo u përgjigj se qeveria nuk ka për të ndërhyrë në drejtësinë e re.

Balluku tha qeveria socialiste ka qenë ajo që e ka krijuar habitatin që kjo drejtësi të zhvillohet e të veprojë e lire.

“Ne kemi vetëm një përgjigje që ka të bëjë me reformën në drejtësi. Reforma në drejtësi është mbështetur nga Partia socialiste. Ne kemi bërë detyrën tonë duke krijuar drejtësisë së re një habitat ku ajo të veprojë, në nuk ndërhyjmë në të”.

Kreu i grupit parlamentar i zotit Bardhi, ka kërkuar që të marrë pjesë në votimin për heqjen e imunitetit të zotit Berisha dhe do të votojë pro, nëse qeveria pranon komisionet, Balluku tha se kjo nuk është punë negociatash.

“Kjo nuk është negociatë nëse ata vijnë në Parlament për të votuar në duhet të hapim komisionet hetimore, të gjitha kërkesat e opozitarëve bien ndesh me ligjin e gjykatës kushtetutës. Ne kemi propozuar një draft për amendimin në ligjin për komisionet hetimore”,-tha Balluku.

LEXONI GJITHASHTU:

• Ermonela Felaj: Ja hapat që ndiqen për heqien e imunitetit të Berishës
• A do të jetë Berisha në mbledhjen e Këshillit të Mandateve? Flet Ermonela Felaj