Personi i tretë, përveç Jurgis Çyrbjas dhe Ahmet Mashës, për të cilin SPAK ka caktuar masë sigurie, është Altin Hajri.
Sipas informacioneve paraprake, ish-deputeti socialist, Jurgis Çyrbja, në kohën kur ka ushtruar detyrën akuzohet se ka strehuar në bnesën e tij shtetasin Altin Hajri.
- Advertisement -
Më tej, gazetari i Euronews Albania ka sqaruar se disa komunikime të zbardhura në aplikacionin SkyEcc, ish-deputeti, në bashkëpunim me persona të tjerë, dyshohet të kenë ndikuar në rezultatin e zgjedhjeve parlamentare të vitit 2021.
Kohë kjo në të cilën Çyrbja mori edhe mandatin e dytë nën siglën e Partisë Socialiste në qarkun e Durrësit.
Policia e BKH nuk arriti të ekzekutonte masën ndaj shtetasit Altin Hajri mbrëmë, pasi ai nuk u gjet gjatë kontrolleve.
Kujtojmë se në shtator të këtij viti, Gjykata e Posaçme vendosi kalimin për gjykim të çështjes në ngarkim të Altin Hajrit.
Ky i fundit akuzohet për rrëmbimin dhe zhdukjen e Jan Prengës në janar të 2020. Hajri është gjykuar në mungesë, pasi nuk ishte arritur të gjendej.
Ndërkohë, grupi është ndarë në disa pjesë.
Më herët, gjykata ka dënuar Festim Bixhdilin me burgim të përjetshëm për rrëmbimin dhe zhdukjen e trupit të Jan Prengës.
Ende mbetet për t’u parë se cila është çështja në të cilën Hajri dhe Çyrbja janë të përfshirë.
LEXONI GJITHASHTU:
- SPAK e mori të pandehur për shpërdorim detyre, arrestohet Jurgis Çyrbja
- Jurgis Çyrbja dha dorëheqjen, KQZ i jep mandatin e deputetit Erjon Mekës
