Asgjësohen 24 759 bimë kanabis në Velipojë, shpallen në kërkim 3 vëllezër

Policia e Shkodrës ka gjetur dhe asgjësuar 24 759 bimë kanabisi në Velipojë. Në vijim të operacionit të operacionit të koduar “Territor i pastër”, u identifikuan dhe u shpallen në kërkim 3 shtetas (vëllezër), të dyshuar si autorë të kultivimit të këtyre bimëve.

“Shërbimet e Stacionit të Policisë Velipojë, në bashkëpunim me Drejtorinë Vendore të Policisë Shkodër dhe me Komisariatin e Shkodrës, në fshatin Rrjoll, në vendin e quajtur “Maja e Zezë”, gjetën dhe asgjësuan 24 759 bimë cannabisi. Si rezultat i hetimeve dhe veprimeve profesionale policore u identifikuan dhe u shpallën në kërkim autorët e dyshuar të rastit, shtetasit M. N., 30 vjeç, P. N., 36 vjeç, dhe L. N., 32 vjeç, të tre banues në fshatin Rrjoll.

Gjithashtu, u referuan materialet në Prokurori ku nisi procedimi në gjendje të lirë për shtetasit T. Sh., 61 vjeç, dhe P. M., 61 vjeç, të dy banues në Velipojë, punonjës të OSHEE-së, për veprën penale “Shpërdorimi i detyrës”, pasi dyshohet se nuk kanë konstatuar lidhjen e paligjshme të energjisë elektrike që ishte krijuar për këtë veprimtari kriminale”, bëri me dije policia.

LEXONI GJITHASHTU:

• Asgjësohen 4621 bimë kanabis në Postribë dhe Velipojë, në pranga 1 person
• EMRAT| Kapen 19 kg kanabis brenda një automjeti në Tiranë, në pranga 4 persona