Asociacioni, pjesë e normalizimit të marrëdhënieve, thotë diplomati

Diplomati gjerman, Joakim Ryker komentoi për “Balkan Talks” në Euronews Albania Asociacionin e komunave me shumicë serbe.

Ai kujtoi se është pjesë e marrëveshjes gjithëpërfshirëse të normalizimit dhe ka qenë pjesë e planit Ahtisari.

“Dhe në deklaratën e pavarësisë së Kosovës në 2008 kishte një zotim të fortë nga planit Ahtisari dhe kjo përfshin edhe Asosacionin e komunave serbe. Prandaj s’duhet ta vështirësojmë më shumë nga ç’është. Jemi plotësisht i vetëdijshëm për marrëveshjet e viteve 2013 dhe 2015. Jam i vetëdijshëm për vendimin e Gjykatës Kushtetuese në Kosovë. Por dua të them që ku ka dëshirë, ka edhe rrugëzgjidhje,” – u shpreh Ryker.

Por a është asociacioni një shqetësim i ligjshëm i politikanëve të Kosovës?

“Është diçka që duhet të negociohet, sigurisht është plotësisht e përjashtuar, për mua, si dhe për shumicën, në mos të gjithë në Kosovë, që do të ketë ndonjë gjë të ngjashme me Republikën Serbe, pasi është problematike shume për Bosnjën,” – u përgjigj diplomati gjerman.

LEXONI GJITHASHTU:

• Borrell: Do të ndjekim nga afër zbatimin e marrëveshjes së Ohrit
• Kurti raporton sot para deputetëve në Kuvend për takimin e Ohrit