Aurora Dollenberg për takimin e parë me burrin: Jo dashuri tipike, ishim në spital

Aurora Dollenberg është një nga mjeket shqiptare që u bë shumë e njohur për publikun sidomos gjatë periudhës së pandemisë së COVID-19 me këshillat dhe eksperiencën e saj disavjeçare në Gjermani.

Në emisionin Good Monring Albanians të kësaj të hëne ajo prezantoi bashkëshortin e saj Gotz Dollenbreg, informaticienin gjerman me të cilin ka lidhur jetën.

Mjekja tregoi se takimi i parë me bashkëshortin ishte në një ambient spitali.

“Kam emigruar para 12 vjetësh në Gjermani dhe në vitin e dytë kur kam qenë në një qytet të vogël spitali ka pasur nevojë për rinovime, dhe firma e Gotsit ka bërë izolimin e kësaj pjese. Ai si përgjegjës për termoizolimin ka mbajtur një seminar dhe unë si shqiptare tipike kisha shumë pyetje që ai i quante provokative. Si rrjedhim vazhdoi diskutimi edhe pas seminarit dhe u krijuar ballafaqimi i parë i dy personaliteteve, të dy kryeneçe. Kimia ekzistoi që në fillim, por u krijua diskutimi i parë dhe shkëmbyen numrat për t’u takuar. Nuk ishte e lehtë që në fillim pasi të dy jemi natyra shumë krenare”, tregoi Aurora.

LEXONI GJITHASHTU:

• Largimi i mjekëve nga Shqipëria, Dollenberg: Rritja e pagave nuk e frenon
• Mjekja Dollenberg: 90 % e të sëmurëve që na vijnë janë me grip stinor