Avokati: Arrestimi i Metës shfaqje mediatike, gjithçka dukej e parapërgatitur

Avokati Përparim Çaça komentoi në Euronews Albania arrestimin e ish-presidentit Ilir Meta.

Ai tha se e gjitha kjo është bërë për shfaqje mediatike duke bërë që mënyra e arrestimit të ketë një bujë të jashtëzakonshme.

Çaça u shpreh se vendimi i gjykatës duhej të zbatohej por jo në formën më të ashpër të mundshme.

“Lajm i bujshëm do duhej të ishte arrestimi i z.Meta, por lajm i jashtëzakonshëm u bë më pas me mënyrën e arrestimit dhe zbatimin e vendimit të gjykatës. Ky zbatim i rregullave nuk duhet të ishte në këtë formë jo vetëm për ish-kryeministrin, ish-presidentin apo ish-kryetarin e Kuvendit, por as dhe për një qytetar të thjeshtë të vendit. Nuk kishte asnjë lloj situate për ta bërë në këtë formë arrestimin, por e gjitha kjo duket si e parapërgatitur më parë kur prisnin policinë, kamerat që duken si amatorë dhe arrestimi i tij ishte krejtësisht i panevojshëm. Vendimi i gjykatës duhet të zbatohet por duhet të ishte më “soft”, ashtu siç është bërë për eksponentët e tjerë të deputetëve të PS. Arrestimi i Metës u bë krejtësisht për shfaqje” tha avokati Çaça.

LEXONI GJITHASHTU:

• Arrestimi i ish-Presidentit Ilir Meta, reagon Policia e Shtetit
• Aulon Kalaja: Çfarë më tha Ilir Meta pak para arrestimit, biseda në telefon