Avokati: Deri në 3 vite burg, dënimi për edukatoret që dhunuan të miturin

Avokati Meshari Selimaj tha se dënimi për edukatoret në Fsuhë-Kosovë që dhunuan të miturin 3-vjeçar mund të shkojë nga 3 deri në 5 vite burg.

Në një intervistë për “Good morning Albanians” në Euronews Albania ai shpjegoi se si funksionon ligji në Kosovë për të tilla raste.

“Ligjvënësit kanë parashikuar që me keqtrajtim duhet të nënkuptohet shkaktimi i dhimbjeve fizike dhe shpirtërore, psikologjike. Kur kemi të bëjmë me dëmtime të lehta, kemi të bëjmë me dy vepra penale në bashkim, ai që është i keqtrajtimit gjatë ushtrimit të detyrës zyrtare dhe lëndimit të lehtë trupor, kurse lëndimi i lehtë trupor me dëmtim të përkohshëm të shëndetit, si në këtë rast dhe këtë vlerësim po e jap në bazë të të dhënave që janë shfaqur këto ditë në internet, atëherë te lëndimi i lehtë trupor është dënimi deri në 3 vite burgim, pra janë dy vepra penale që pretendohet se janë shkaktuar,” – u shpreh Selimaj.

LEXONI GJITHASHTU:

• Dhuna në Fushë-Kosovë, psikologia: Kujdes me reagimet e fëmijëve kur lihen në çerdhe
• Zëdhënësja e Prokurorisë: Fëmija i dhunuar në çerdhe është me vrimë në zemër