“Babagjyshi vjen me kalë!” Surpriza për 3 vajzat në Krrabë të Tiranës…

Një Babagjysh ndryshe, ishte mëngjesin e kësaj të enjteje në Kërrabë të Tiranës për të surprizuar 3 vajza të vogla.

Duke folur për “Good Morning Albanians”, Shkëlzen Brahaj, ish-oficer i RENE-as tha se zgjodhi të shkonte me kalë për të shpërndarë dhuratat sepse shpesh fëmijët janë zhgënjyer në pritje të babagjyshit me slitë. Ai tha se pak rëndësi ka forma, ajo që vlen është që dhuratat të shkojnë te fëmijët.

“Ideja ime ishte që sot në këto ditë festash të gëzoja një familje, disa fëmijë. Ne gjithmonë i kemi zhgënjyer fëmijët, ata kanë pritur që Babagjyshi të shkojë nga oxhaku ose me slitë, gjë që nuk ka ndodhur. Kështu që ne tani kemi një kalë. Kali e ka emrin Faraon. Rëndësi ka që babagjyshi të vij, se me çfarë nuk ka rëndësi”,-tha Shkëlzen Brahaj.

Ai së bashku dhe gazetarja e Euronews Albania Ledjana Braçja, shkuan në familjen Alimadhi, ku suprizuan tre vajza të vogla të familjes Alimadhi.

LEXONI GJITHASHTU:

• “E krijova vetë”- Personazhi që imitoi Skënderbeun në Paradë: Veshja peshon 12 kg
• “Skënderbeu” i paradës Kuq e Zi: Kali ishte racë arabe, i vështirë për t’u menaxhuar