“Babai rrëmbeu të miturin që u konfliktua me të birin”, gazetari: Sa mund të dënohet

Gazetari Eraldo Harlicaj tha në “Good Morning Albanians” këtë të premte se 50-vjeçari, i cili  mbajti me forcë në makinë një 14-vjeçar pasi ky i fundit ishte konfliktuar me të birin, mund të dënohet deri në 5 vite burg.

Sipas Harlicajt mbi babain rëndon akuza e shkaktimi i heqjes së lirisë dhe dënimi për këtë nis nga 3-5 vite, por ky dënim mund të rëndohet duke pasur parasysh se bëhet fjalë për një të mitur.

“Mbi babain rëndon heqja e lirisë që i ka shkaktuar djalit dhe mund të dënohet nga 3-5 vite, por dënimi mund të rëndohet për shkak se bëhet fjalë për një të mitur.

Kam folur me persona në polici, ai ka shprehur pendesë, u ka kërkuar falje edhe familjarëve të djalit 14-vjeçar”,-tha gazetari Eraldo Harlicaj në Euronews Albania.

LEXONI GJITHASHTU:

• Sherri mes dy të miturve, babai merr peng 14-vjeçarin në Tiranë
• Rrëmbeu 14-vjeçarin se u zu me të birin, psikologia: Babai është treguar adoleshent