Kryetari i Grupit Parlamentar të Partisë Socialiste, Taulant Balla ka lëshuar akuza në drejtim të kryedemokratit, Sali Berisha dhe kreut të Partisë së Lirisë, Ilir Meta.

Në një deklaratë për mediat, Balla deklaroi se ata duan destabilizimin e Shqipërisë, teksa Kosova përballet me tensione në veri dhe Evropa kërcënohe nga lufta në Ukrainë.

Sipas tij, qytetarët nuk duhet ta përkrahin aleancën e tyre.

“Ndërsa ne përballemi me këtë situatë të vështirë, Evropa është në kërcënimin e një lufte, ajo që bie në sy, është përpjekja e një aleance të vjetër mes Sali Berishës dhe Ilir Metës për të dëmtuar interesat e Shqipërisë.

Fakti që jemi në një situatë të vështirë në Kosovë, opozita në Shqipëri kërkon destabilizimin e vendit. Mendoj që është në dobi të interesit kombëtar, që Sali Berishës dhe Ilir Metës nuk duhet t’i shkojë më askush nga mbrapa”, theksoi ai.

LEXONI GJITHASHTU

• “Më 14 maj do votohet në 61 bashki”, Balla: S’ka ndryshime në ndarjen territoriale
• Shyhet sërish seanca, Lefter Koka kërkon masë më të butë sigurie
• Avokati: Lefter Koka është sëmurë, ka pasur kohë mjaftueshëm për hetimin