Banesa e braktisur në Gjirokastër/ Banorët: Jemi të rrezikuar nga shembja e mureve

Kjo banesë e braktisur në qytetin e Gjirokastrës është kthyer në shqetësim për banorët.

Godina ndodhet në lagjet e sipërme të qytetit dhe për shkak të amortizimit në vite dhe braktisjes nga pronarët muret e saj shemben herë pas herë . Qytetarët që jetojnë pranë saj apelojnë për marrjen e masave ndërsa ndihen të rrezikuar veçanërisht në ditët me mot të keq.

” Ajo u rrëzua, ishte në fat i madh që nuk zuri njeri. Ndodh shpesh kjo gjë, rrëzohen gurët, trarët? Kishte shenja ajo, qe rrëzuar një pjesë andej dhe tani është rrëzuar dhe një pjesë” ,-tha banori.

“ Sa herë ka shi bien gurët nga lart, trarët? Gjithmonë ka patur probleme, me gurët, me trarët, me llamarinat, siç e shikoni”,-u përgjigj banori.

Në Gjirokastër dhe rrethinat ka disa godina dhe banesa të braktisura, të cilat në stinën e dimrit për shkak të rrezikut të shembjes janë shqetësim për banorët.

LEXONI GJITHASHTU:

• “Dhuro gjak, shpëto jetë!” Besimtarët mysliman në ndihmë të fëmijëve talasemik
• “Beogradit i iku marioneta”, Eksperti: Po e humbet mbështetjen e serbëve të Kosovës