Bardhi: Rama s’ka interes për një reformë zgjedhore reale në shërbim të qytetarëve

Kryetari i Grupit Parlamentar të Partisë Demokratike, Gazment Bardhi, është shprehur se kryeministri Edi Rama nuk ka interes të bëjë asnjë reformë që i shërben qytetarëve shqiptarë.

Komentet Bardhi i bëri pas deklaratave të kryeministrit Edi Rama në mbledhjen e qeverisë që zhvilloi në Lezhë.

Bardhi tha se Rama e pohoi se po e djeg me vetëdije Komisionin e Reformës Zgjedhore, në mënyrë që të mos u japë shqiptarëve një reformë konsensuale që garanton standartet minimale për zgjedhje të lira e të ndershme.

Reagimi i Bardhit:

Edi Rama nuk ka interes të bëjë asnjë reformë që i sherben qytetarëve shqiptareve. Pohimi në publik se po djeg me vetëdije Komisionin e Reformës Zgjedhore që të mos u japë shqiptarëve një reformë konsensuale dhe gjithëpërfshirëse që garanton standartet minimale për zgjedhje të lira dhe të ndershme, tregon edhe njëherë mendësinë e rrezikshme antidemokratike që ka Kryeministri i Shqipërisë për të mbajtur pushtetin me mjete antidemokratike.

Deklaratat e sotme të Edi Ramës provojnë edhe njeherë sesa e drejtë është beteja e opozitës në Kuvend. Shqipëria ka nevojë për një Reformë Zgjedhore reale, konsensuale dhe gjithëpërfshirëse që adreson të gjitha rekomandimet e OSBE-ODIHR dhe që krijon kushtet e barabarta të garës reale për çdo palë politike në zgjedhje.

LEXONI GJITHASHTU:

• Reforma Zgjedhore, Rama: Kanë ndryshuar kohët, bëhet dhe pa komision bipartizan
• Këshilli i Integrimit, Tabaku: Prioritet reforma zgjedhore dhe financimi i partive