Basha flet pas përjashtimit nga Parlamenti: Po bëhen pazare për interesa vetjake

Kryetari i Partisë Demokratike, Lulzim Basha i cili u përjashtua nga seanca e ditës së sotme pasi bllokoi foltoren, tha për mediat se është e qartë që në seancën e sotme po bëhet pazari për interesa të ngushta të deputetëve.

“Është e qartë që e sotmja është konkludimi i një pazari në dobi të interesave private të një grupi njerëzish përkundër interesave të shqiptarëve.

Këtu bëhet fjalë për interesa të prekshme. unë e di se njerëzit që vuajnë katastrofën ekonomike të shkaktuar nga korrupsioni dhe keqqeverisja 11-vjeçare e Edi Ramës, shpesh herë bëhet e pakuptueshme të flasësh për reformën zgjedhore, por në fakt aty nis dhe ai është shkaku i gjithë të këqijave.

Sepse është deformimi i vullnetit të qytetarëve që sjell parlamente të deformuara me deptutetë kokëulur që në vend që të mbrojnë qytetarët, presin “kockën e rradhës” presin benefitet e radhës, në vend që të kalojnë ligje në dobi të qytetarëve kalojnë ligje në dobi të pushtetarëve dhe oligarkëve, ndaj dhe e keqja duhet të niset të shpërbehet dhe të kurohet aty ku e ka zanafillën.

Kjo është arsyeja se përse për dy vite, partia demokratike ka asistuar për një reformë zgjedhore për qytetarët, jo një reformë zgjedhore për interesa të ngushta partiake.

LEXONI GJITHASHTU:

• “Pazar i heshtur”- Basha: Vendimet merren jashtë Parlamentit, kundër shqiptarëve
• “Lironi foltoren”- Përplasja me Nikollën, Basha përjashtohet nga seanca plenare