Bayern Munchen në sezonin e ri: Kimmich në pikëpyetje, pranë akordit me Xavi Simons

Në njërën anë Barcelona e në tjetrën Manchester United, por dhe kërkesat e vazhdueshme të Bayern Munchen nëse do të qëndrojë apo jo, Joshua Kimmich është në dilemën e jetës. Mesfushori gjerman aktualisht nuk ka vendosur asgjë për të ardhmen e tij, duke lënë në pritje disa skuadra, pasi fillimisht do të shijojë pushimet e verës. Vincent Kompany ka bërë të ditur që do të mbajë një takim me lojtarin sa më shpejt për të ditur se çfarë do të vendosë, ndërsa bavarezët aktualisht vijojnë përgatitjet, ku siç dihet kanë zyrtarizuar 4 blerje të reja, krahas rinovimeve.

Ito, Olise, Palhinha dhe Sieb i janë bashkuar për herë të parë skuadrës, ndërsa ende nuk ka të reja sa i përket lojtarëve të cilët do të largohen. Merkato e bavarezëve nuk është mbyllur sa i përket afrimeve, pasi Kompany dëshiron në Mynih mesfushorin holandez Xavi Simons. Ky i fundit i ka bërë të ditur Leipzigut se nuk do të qëndrojë dhe po sheh për ekipin e radhës, ku pas kuintave krahas Bayernit qëndron dhe Manchester United, që e ka treguar se lekët nuk janë asnjëherë problem për ta.

LEXONI GJITHASHTU:

• Bayerni zyrtarizon sulmuesin Olise, në pritje të nënshkrimit me Palhinha
• Shpalli kampion Leicester-in, trajneri italian tërhiqet pas 38 vitesh nga futbolli