Bektashi paraqitet në SPAK, refuzon të flasë për gazetarët

Fatmir Bektashi është paraqitur këtë të hënë në SPAK.

Ai nuk ka bërë asnjë koment dhe ndërsa u pyet nga gazetarët në hyrje nëse sot do të bënte ndonjë koment, ai tundi kokën në shenjë mohimi, njësoj siç ndodhi herën e kaluar që ishte në Prokurorinë e Posaçme që doli nga institucioni, ndaloi para gazetarëve, por nuk foli fare.

Bektashi u arrestua me urdhër të Prokurorisë së Posaçme pas kallëzimit të bërë në vitin 2020 nga ministri i Brendshëm Taulant Balla lidhur me privatizimin e ish klubit sportiv “Partizani”.

Ai është ortak i dhëndrit të Berishës, Jamarbër Malltezit dhe ndërtues i kullave ne ish-kompleksin Partizani.

Kujtojmë se ish-kryeministri Berisha, ndaj të cilit është vendosur masa e sigurisë detyrim paraqitje dhe ndalim i kalimit jashtë vendit, nuk u paraqit në SPAK sepse siç u shpreh ai nuk mund të lejojë të shkelet Kushtetuta.

Në një deklaratë për mediat, ai tha se SPAK duhet të njoftojë Kuvendin dhe më pas të ishin vendosur masat e sigurisë ndaj tij. Ndërkohë dhëndri, Malltezi është i arrestuar për po të njëjtën çështje.

LEXONI GJITHASHTU:

• Ndërtuesi Fatmir Bektashi sërish në SPAK, merret në pyetje në prani të avokates
• Doli në intervistë dhe s’tha asnjë fjalë, avokati sqaron mesazhin e Fatmir Bektashit