Avokati Kujtim Cakrani ishte këtë të hënë në një intervistë për Euronews Albania ku foli rreth sjelljes së ndërtuesit Fatmir Bektashi pas daljes së tij nga SPAK. Ai zgjodhi që të dilte përpara mediave, por para tyre nuk tha asnjë fjalë.

Sipas avokatit kjo është një kambanë alarmi për të gjithë ata që e dinë se si funksionin institucioni i drejtësisë. Avokati tha se edhe pse Bektashi nuk foli më zë, gjesti i tij tregon shumë.

“Heshtja e tij tregon shumë. Dikush që është psikolog mund ta zbulojë që heshtja e tij flet shumë. Tamam sikur ai ka bërë komente me zë, por duhet zbërthyer se tregon shumë, tregon që nuk ka besim te institucionet e drejtësisë dhe tregon shumë që ai është i pafajshëm.

Kjo është një kambanë alarmi për të gjithë ata avokatë dhe juristë që e njohin mirë atë institucion. Kjo sjellje sot e zotit Bektashi, duhet zbërthyer dhe duhet të merret në konsideratë”,-tha avokati Kujtim Cakrani.

LEXONI GJITHASHTU:

• Berisha: S’ka ndodhur që deputetët të futen nga dritarja, kjo është fytyra e Ramës
• Bektashi zbaton urdhrin e GJKKO, paraqitet në SPAK