Berisha: Do ulim në 70 lekë çmimin e energjisë, bizneset do zbresin në 60 lekë!

Dy daljet e kësaj të hënë nga selia e Partisë Demokratike, Sali Berisha ia dedikoi kryesisht votës së diasporës dhe punën që do duhet të bëjnë strukturat e PD për maksimizimin e kësaj vote që pritet të implementohet për herë të parë në zgjedhjet e 11 majit.

Gjatë mbledhjes së kryesisë së PD, kryedemokrati theksoi rëndësinë e shtimit të kontakteve nga të gjithë drejtuesit e PD, përtej Jozefina Topalli si drejtuese politike e diasporës, pasi sipas tij ka një potencial të madh për opozitën në këtë votë.

“Çdo drejtues, deputet, anëtar i Kryesisë dhe Këshillit Kombëtar, duhet të shfrytëzojë çdo lidhje dhe potencial për takime në emigracion dhe diasporë”, tha Berisha.

Më tej gjatë fjalës së tij, Berisha foli për disa nga premtimet elektorale, duke u ndalur këtë herë në fushën energjetike.

“Do rikthej jo 77 po 70 lekë, 300 kilovatët e parë. 100 lekë jo 115, fashën e dytë. Kurse bizneset do zbresin përsëri në 60 lekë”, u shpreh kreu i PD, Sali Berisha.

Gjatë kësaj dalje, Berisha iu përgjigj edhe deklarimeve që bëri kryeministri Rama në lidhje me çështjen “Xibraka”, për të cilën tha se pavarësisht se kreu i qeverisë, po përpiqet, nuk do mundet dot që ta fshehë këtë skandal kriminal.

LEXONI GJITHASHTU:

• Berisha: Diaspora mbështet rotacionin politik dhe Partinë Demokratike
• Vota e diasporës, sa është shifra e emigrantëve të regjistruar në 2 ditë