“Berisha është matrapaz politik”, Alket Hyseni: Gjen pretekste dhe s’pranon humbje

“Berisha është matrapaz politik, gjen pretekste për të mos pranuar humbjen”, kështu tha ASlket Hyseni i ftuar në Euronews Albania.

Ish-deputeti i Partisë Socialiste, Alket Hyseni tha se dorëheqja ëhstë akti që tregon se dikush mban përgjegjësi dhe shtoi se në politik një akt i tillë është i domosdoshëm, në rast se e çon partinë që udhëheq drejt humbjes.

Ai tha se raste të tilla në Shqipëri janë vlerësuar, ndërsa duke komentuar Sali Berishën, ai tha se ky i fundit është përjashtim nga çdo rregull.

“Berisha është përjashtim nga çdo rregull. Logjika e tij nuk funksionon në këtë sistem.  Volteri thoshte se preteksti është foleja e logjikës së matrapazëve. Në politik, Berisha është matrapaz politik.

Berisha doli ditën e dielë në mëngjes dhe e vlerësoi procesin si proces super demokratike, doli në dark dhe tha se kemi fituar, dolën figura të Partisë Demokratike që thanë kemi fituar dhe kur dolën rezultatet e Kamzës, Elbasanit dhe Vorës, deklaroi që është manipuluar. Ku ndodhi manipulimi? Ky është një pretekst për të mbajtur në karrige Berishën”,-tha Alket Hyseni.

LEXONI GJITHASHTU:

• Procedohet 30-vjeçari në Rinas, kishte fshehur në trup 12 480 franga zviceriane
• “S’është takuar kurrë me të infiltruarin”, avokati i Belerit: Do ankimojmë vendimin