‘Berisha ka mbrojtur publikisht Tom Doshin’, analisti tregon marrëdhëniet mes tyre

Analisti Sidi Hasanaj thotë se Tom Doshi është i vetmi politikan “non grata”, që është mbrojtur publikisht nga Sali Berisha.

Në një intervistë për Euronews Albania, Hasanaj u shpreh se në momentin kur Ilir Meta pati një konfligt me Tom Doshin, një familjar i Berishës mbrojti këtë të fundit,

“Kush është i vetmi politikan i Partisë Socialiste, i cili është shpallur “non grata” dhe është mbrojtur publikisht, në parlament, në emisione nga Sali Berisha? Ky është vetëm një, Tom Doshi. Në momentin, konfliktin mes Ilir Metës dhe Tom Doshit, Sali Berisha mori kosto personale, derisa u përmend familjari i tij për të mbrojtur Tom Doshin.

A e bëri thjesht për të marrë aksione politike për momentin? Unë dyshoj, sepse Berisha është një njeri shumë largpamës, shumë inteligjent dhe nuk diskutohet që i kalkulon të gjitha. Ky është fakt. Nëse ka një njeri që është mbrojtur, që ka qenë “non grata”, që ka qenë kryesori në 21 janar dhe pas pak muajsh u mbrojt nga Sali Berisha, ky është Tom Doshi”, theksoi ai.

LEXONI GJITHASHTU

• Berisha sulmon SPAK-un: Është mbuluar nga plehrat e qeverisë

• Berisha: Fusha e mbetjeve në Sharrë u shndërrua në minierë floriri për Ramën
• Shtyhet seanca për inceneratorin e Fierit, Koka kërkon bashkim e dosjes me Elbasanin