Berisha kërkoi shfuqizimin e vendimeve të GJKKO-së, GJK cakton datën për shqyrtim

Gjykata Kushtetuese ka caktuar datën 17 dhjetor në orën 10:00 seancën mbi shqyrtimin e kërkesës së avokatëve Sali Berishës për shfuqizimin e vendimeve te dhëna nga GJKKO, Apeli i Posaçëm dhe Gjykata e Lartë lidhur me masën e tij të sigurisë si të papajtueshme me Kushtetutën.

Ende nuk është caktuar se kush do të jetë gjyqtari relator, i cili do të shqyrtojë mbi bazë dokumentash këtë kërkesë. Kjo është hera e dytë që mbrojtja e Berishës i drejtohet Gjykatës Kushtetuese lidhur me masën e sigurisë, kjo e fundit është shprehur në nëntor të 2024 për masën e detyrimit të paraqitjes dhe ndalim i daljes jashtë vendit, ku asokohe Kushtetuesja pranoi pjesërisht kërkesën e Berishës ku detyrimin e paraqitjes e cilesoi proporcionale ndërsa bllokimin e pasaportës si të panevojshme.

“Në lidhje me masën tjetër, Gjykata vendosi pranimin e pjesshëm të kërkesës duke shfuqizuar vendimet gjyqësore, objekt të shqyrtimit kushtetues, vetëm për pjesën që kanë caktuar masën ‘ndalim i daljes jashtë shtetit’ ndaj kërkuesit Sali Berisha, për shkak të cënimit të parimit të proporcionalitetit, në aspektin e domosdoshmërisë së kësaj mase, në kushtet kur qëllimet e saj përmbushen nga masa tjetër e dhënë ndaj kërkuesit ‘detyrim për t’u paraqitur në policinë gjyqësore’”, thuhej në vendimin e Gjykatës Kushtetuese.

LEXONI GJITHASHTU:

• Kushtetuesja e kthehu në detyrë, Erion Veliaj firmos urdhrin e parë për Tiranën
• Kushtetuesja rrëzon dekretin: Veliaj mbetet kryetar i Bashkisë Tiranë