Berisha: McGonigal u pagua nga Rama për të shkatërruar PD

Kreu i PD Sali Berisha ka mbledhur pasditen e së shtunës Këshillin Kombëtar për të diskutuar hapat që do të ndërmarrë PD pas vendimit të Apelit.

Në fjalën e tij, Berisha tha se ish-agjenti i FBI, Charles McGonigal u pagua nga kryeministri Edi Rama për të dëmtuar PD.

“McGonigal, i korruptuar, paguar nga Edi Rama nëpërmjet Dorian Duçkës, në disa aspekte mori në dorën narkoshtetin e Edi Ramës vetëm në funksion të tij. Ai hetoi lobistin e Lulzim Bashës, Edi Rama hapi çështje penale dhe ndërpreu procesin për ta futur në thes. McGonigal është gjobëvënësi seria ndaj biznesit shqiptar. McGonigal është gjobëvënësi i poshtër ndaj prokurorëve dhe gjykatësve për vettingun, i cili drekonte e darkonte me ta, natyrisht duke u premtuar se vettingun ua zgjidhje ai.

McGonigal të gjithë kësaj veprimtarie kriminale, të asaj shkalle që akoma nuk ja dimë përmasat, nuk i kreu, nuk i zhvilloi në bodrumet e Tiranës, por në zyrat e zyrtarëve shqiptarë, u asistua nga zyrtarët shqiptarë në hotele, restorante luksoze dhe kudo me radhë”, tha Berisha.

LEXONI GJITHASHTU:

• Berisha mbledh Këshillin Kombëtar: 2 pengje i shërbyen Ramës për vulën
• Gazetari: Ja si Berisha mund të hyjë në zgjedhjet lokale