Berisha: Nuk merrem me pengjet, kreu i ri i PD do zgjidhet sipas statutit

Ish-kryeministri Sali Berisha deklaroi se kryetari i ri i PD do të zgjidhet sipas statutit të partisë.

Në një bashkëbisedim me qytetarët në ‘Facebook’, duke iu përgjigjur pyetjeve të tyre, Berisha tha se Lulzim Basha dhe Enkelejd Albeaj janë pengje të Ramës me të cilët nuk ka ndërmend të merret, pasi siç tha do të merret me pengmarrësin.

“Problemet madhore në PD u shkaktuan nga shkelmimi i statutit. Unë jam i betuar dhe i vendosur të zbatoj me përpikëri statutin, i cili i jep pushtetin anëtarit të PD. Kryetari nëse humbet zgjedhjet lokale, dhe unë e quaj humbje meqë nuk fituam, ndonëse zgjedhjet janë këto që janë, statuti përcakton votëbesimin tim nga anëtarët e PD. Analiza e këtyre zgjedhjeve do bëhet në përputhje me statutin e PD-së. Natyrisht paralel me proceset demokratike të partisë, Edi Rama ka stisur një proces me dy pengjet e tij. Unë mund të them vetëm kaq: pengun nuk ka forcë që e çliron nga pengmarrësi përveç vullnetit të pengmarrësit. Unë nuk merrem me pengje, do merrem me pengmarrësin Edi Rama”, tha Berisha.

LEXONI GJITHASHTU:

• Berisha: Analizën për farsën zgjedhore e kemi detyrim, më pas protestat e fuqishme
• Berisha-Manjës: Do të përgatisim dosje, e ke vendin te Gjushi që dekonspirove