Berisha: Protestat nuk do të ndalen, të ulen taksat për naftën

Pa dhënë një datë të caktuar, kryedemokrati Sali Berisha u shpreh se protestat e opozitës nuk do të ndalen, pasi janë e vetmja rrugë për vendin që të shkojë drejt një qeverie teknike dhe zgjedhjeve të parakohshme.

“Protestat janë e vetmja rrugë për vendin. Protesta e ardhshme do të jetë shumë shpejt dhe shumë e fuqishme”, tha ai.

Gjithashtu, gjatë kësaj dalje, Berisha komentoi edhe çështjen e çmimit të naftës, duke theksuar se nuk ka nevojë për borde kontrolli, por për ulje të barrës së taksave në këtë sektor.

“Nuk ka nevojë për bord, përgjysmo taksat, vendos nivelin e taksave që ka Kosova dhe Maqedonia dhe pastaj le të guxojë kush të shesë një qindarkë më shtrenjtë naftën në pompat e Shqipërisë që të marrë atë që meriton”, tha Berisha.