“Berisha strategji për të bllokuar seancat”, Balla: S’do ta lejojmë, votime pa debat

Kreu i grupit parlamentar të Partisë Socialiste, Taulant Balla tha në një deklaratë për mediat jashtë ambienteve të Kuvendit se opozita po ndjek strategjinë e Sali Berishës për të bllokuar punën e Kuvendit në çdo seancë.

Balla u shpreh se kjo gjë nuk do të lejohet të ndodhë dhe në çdo rast do marrë përgjigjen e sotme kur u miratua rendi i ditës dhe u mbyll seanca.

“Disa mercenarë nën urdhrat e Sali Berishën nuk lejonin ministrat të flasin. Jemi në një situatw që nuk është se nuk e prisnim. Ka një strategji të qartë të një personi të vetëm, Berisha këtë e ka zanat. Berisha do të monopolizojë Kuvendin, e merr 7 herë fjalën për procedurë. Sot ramë dakord për 10 orë debat për 4 çështje, 2 orë nuk hymë dot në rendin e ditës. Strategjia e Berishës për të mos na lënë të flasim do marrë këtë përgjigje. Nuk ka për t’u lejuar të përsëritet historia e vjetër 30-vjeçare, nuk miratuam ligje, miratuam rezoluta”, tha Balla.

LEXONI GJITHASHTU:

• Flamur Nokës i ndërpritet fjala gjatë seancës parlamentare
• PD kërkon më shumë kohë për debate në Parlament, mblidhet konferenca e kryetarëve