Bido: Beleri s’na dëmton në PE! Eurodeputetët na duan!

Kreu i Arkivave, Ardit Bido tha në një intervistë për Euronews Albania se Fredi Beleri si eurodeputet i Greqisë në Parlamentin Evropian nuk mund t’i bëjë asnjë dëm Shqipërisë.

Sipas tij, Beleri tenton të pasqyrojnë një realitet të paqenë vetëm kur është në Greqi, siç ka ndodhur edhe në takimin e fundit me Mitsotakis, pasi këtë gjë nuk guxon ta bëjë kur kur është në Shqipëri.

“Beleri tenton të pasqyrojë një realitet të paqenë kur shkon në Greqi, asnjëherë s’e ka bërë në Shqipëri këtë gjë, e bën vetëm andej siç ishte kjo që himarjotët kanë pasur nënë Greqinë, me përjashtim të Himarës fshat, Dhërmiut dhe Palasës, 20 fshatrat e tjera të zonë janë fshatra shqipfolëse shqiptare. Ky është thelbi i takimit të sotëm me Mitsotakis. Nuk ka asnjë rëndësi çfarë ndodh në PE, Beleri është ndër 750 deputetët e PE, këtë herë ka një përmirësim në rastin e Greqisë, nuk ka 3 eurodeputetë neonazistë, ka vetëm 2; Belerin dhe 1 tjetër. Shqipëria nuk do pësojë asgjë se do jetë një deputet që do flasë kundër saj, shumica në PE i përkasin partive proevropianiste që nuk ndikohen nga këto rryma”, tha Bido.

LEXONI GJITHASHTU:

• Beleri takim “kokë më kokë” me Mitsotakis në Athinë, zbardhet biseda
• La sot qelinë, Mediat greke: Beleri do të takohet me kryeministrin Mitsotakis