Bie prodhimi i mjaltit në Korçë, shkak temperaturat e larta dhe mungesa e kullotave

Erald Hajdini është një nga bletarët e njohur në një prej fermave me të mëdha të bletëve në Korçë.

Ai tha se ndryshe nga viti i kaluar prodhimi i këtij viti ka një rënie të madhe.

“Këtë vit kemi një rënie të dukshme të mjaltit për shkak të temperaturave dhe lagështires, kjo është se pse bleta për prodhimin e mjaltit shfrytëzon nektarin dy tre javë për të plotësuar prodhimin që na duhet neve. Kushtet atmosferike kanë ndikuar për uljen e prodhimit të mjaltit.” –thotë bletari.

Edhe për kryetarin e shoqatës së bletrritësve të juglindjes Kledian Kosturi ky vit do të ketë më pak prodhim të mjaltit, por ai siguron se çmimi nuk do të ndryshojë.

” Rënia këtë vit është deri në 30% për shkak të ndryshimeve klimaterike, ka patur temperaturë të lartë, ka patur djegie të kuotave, kanë qene ne rënie. Zonat malore kanë prodhimin me të lartë, zonat më të ulëta e kanë më të ulët. Nuk ka rritje të cmimjt, nuk luajmë me klientele, do mbajme të njëjtin çmim. Luajtja me klientelen nuk varet nga prodhimi i produktit.” –thotë

Në juglindje të vendit ka më shumë se 55 mije familje bletësh, pjesa më e madhe e të cilave ndodhen në Korçë e Devoll.

LEXONI GJITHASHTU:

• Fermerët e Maliqit në protestë, bllokojnë aksin Korçë-Pogradec: Nuk po ia dalim dot
• Dalin pamjet nga aksidenti me 8 të plagosur në Korçë (VIDEO)