“Bien” kandidatët e Alibeajt, tërhiqen nga gara 3 emra të tjerë

Gazetari i Euroneës Albania, Ardit Hoxha, bën me dije se janë tërhequr nga zgjedhjet e 14 majit kandidatët e Partisë Demokratike për bashkitë Librazhd, Vorë dhe Lezhë.

Edhe pse lajmi nuk është bërë ende i ditur në formë zyrtare, burime për gazetarin Hoxha konfirmojnë tërheqjen nga gara të tre kandidatëve të PD-së së drejtuar nga Alibeaj.

“Tërheqje të shumta kanë qenë nga disa bashki, ku përveç Korçës ku është bërë një deklaratë zyrtare nga kandidati gjata dhe e 40 këshilltarëve bashkiakë ka edhe disa bashki të tjera ku unë mund të konfirmojë kandidatin e Librazhdit, të Vorës dhe gjithashtu kandidati i Lezhës.

Këta ende nuk e kanë deklaruar zyrtarisht por burimet brenda partisë demokratike të drejtuar nga zoti Alibeaj bën me dije se edhe këta kandidatë do të tërhiqen nga gara e zgjedhjeve lokale të 14 majit, por mbetet për t’u parë nëse do të mbetet këtu ky erozion i kandidatëve të Alibeaj, apo do vazhdojë deri në një zbrazje të listës së zotit Alibeaj”, -tha Ardit Hoxha.

Kandidatët e tërhequr deri më tani nga gara janë: Sandër Marku, kandidat për bashkinë e Lezhës, Bujar Vreto kandidat për bashkinë e Librazhdit, Ibrahim Bruka kandidat për bashkinë e Vorës, ndërkohë më herët është tërhequr nga gara edhe Gjergj Mata kandidati për bashkinë e Korçës.

Lista me kandidatët e PD-së:

1. Tiranë-Roland Bejko
2. Mallakastër- Agron Kapllanaj
3. Lezhë – Sandër Marku – I tërhequr nga gara
4. Patos- Pranvera Rizai
5. Fier -Eriselda Zotaj Çelaj
6. Korçë-Gjergji Gjata – I tërhequr nga gara
7. Poliçan – Florian Qamo
8. Kuçovë – Ilirjan Koxhaj
9. Kamëz – Bilbil Bajraktari
10. Krujë – Sabah Sheta
11. Dibër – Naim Gazidede
12. Dimal- Dritan Sula
13. Librazhd -Bujar Vreto- I tërhequr nga gara
14. Vorë- Ibrahim Bruka- I tërhequr nga gara
15. Sarandë- Skënder Muço
16. Mirditë-Mark Ruçi
17. Kurbin- Genc Doçi
18. Vau i Dejës- Klomentina Drini

LEXONI GJITHASHTU:

• Kosova kërkon fitoren, dardanët presin në shtëpi Andorrën
• Aksidenti te “Rruga e Elbasanit”, policia arreston shoferin e autobusit
• Stano: Dialogu Kosovë-Serbi vijon javën tjetër, negociatorët kryesorë në Bruksel