Bilall Kasami: BDI po shkon në greminë, funksionarët e saj kanë 20 vite që vjedhin

Kreu i lëvizjes “Besa” në Maqedoni, Bilall Kasami ishte këtë të martë në një intervistë për Euronews Albania ku tha se Ramiz Merko nuk është i vetmi në radhët e BDI-së që do shpallet non grata.

Ai tha gjithashtu se Ali Ahmeti duhet të tërhiqet e të kalojë në opozitë, ose ndryshe ai dhe funksionarët e tjerë të korruptuar do e çojnë në greminë partinë.

“Me atë që do pasojë edhe në emrat që do vijnë, votuesi shqiptar do e ketë të qartë atë që e kanë hamendësuar deri më tani që BDI është një parti e korruptuar, është një parti anti-shqiptare që BDI është një parti e cila për 20 vite e degradoi çështjen shqiptare të Maqedonisë së veriut në emër të çështjes kombëtare, ata u pasuruan u bën milionerë.

Funksionarët më të lartë po tregojnë milionat e tyre, BDI është në një situatë që o do pranoj të shkojë në opozitë, ose në zgjedhjet e radhës do humbasë.

Nëse Ali Ahmeti dhe BDI do pranojnë të kalojnë në opozitë do marrin përgjegjësi mbi vete dhe kështu të thonë se kjo ishte dështim i funksionarëve të BDI-së dhe jo i subjektit. Pra nëse BDI vazhdojnë të mbrojë funksionarët e saj me çdo kusht, kjo do e çojë në greminë partinë”,-tha Bilall Kasami.

LEXONI GJITHASHTU:

• Aksident në Ersekë-Leskovik, plagoset një person
• Skenografia e Festivalit Folklorik, Esnal: U bazova tek motivet tradicionale