Biznesi merr pasuritë e natyrës, ndërtime në Vjosë, Butrint e Karavasta | Money

Temë e emisionit Money në Euronews Albania këtë të shtunë ishte miratimi i ligjit të shumë debatuar për lejimin e ndërtimeve në Zonat e Mbrojtura.

Një vit më parë, në mes të muajit mars, lumi Vjosa, i cili gjarpëron në jug të Shqipërisë, u shpall Park Kombëtar. Vendimi që mori qeveria ishte një fitore e madhe, jo vetëm për ata që e kishin mbrojtur me fanatizëm, por edhe për të ardhmen, ku lumi i fundit i egër i Europës, ia doli të mos cenohej nga ndërtimi i tetë hidrocentraleve dhe dhjetra objekteve të tjerë.

Por, pa kaluar një vit, hapësira e lumit Vjosë me sipërfaqe 13 000 hektarë, së bashku me të gjithë parqet e tjerë kombëtarë dhe monumentet historikë, të cilat përbëjnë një të pestën e territorit të Shqipërisë do të transformohen nga dora e njeriut. Kjo, pasi 12 deputetë të Partisë Socialiste kanë propozuar ndryshime në ligjin e Zonave të Mbrojtura, të cilat janë miratuar në Kuvend.

Kryetari i Shoqatës së Ornitologjike Taulant Bino deklaroi se nisma nuk është e 12 deputetëve që e propozuan, por u porosit nga qeveria.

“Është nismë e qeverisë dhe me të drejtë ashtu duhet të jetë, ndonëse u propozua nga 12 deputëtë socilistë që morën përsipër të shprehnin interesat e bashkive, por pavarësisht preteksit, po të shikosh ligjin sot, bashkive nuk u jepet asgjë ndryshe nga cfare u jepte ligji i mëparshëm. U gjet mënyra më e shkurtër dhe pa transparencë”, tha Bino.

Bilologu i mjedisit Olsi Nika deklaroi për Money: “Çfarë bën ligji i ri. I zhbën kufijtë dhe thotë se brenda ZM nuk lejohet asnjë ndërhyrje me përjashtim të strukturave për zhvillimin e turizmit elitar, që do të thotë se ti mund të bësh një mega-resort në zemër të Divjakës apo edhe në brigjet e Vjosës. Pra ti mund ta ndërtosh një resort, bashkë me urat, pishinat, rrugët dhe të gjithë infrastrukturën për ta pasur këtë resort”.

LEXONI GJITHASHTU:

• Spahiu: Arsyet pse ligji “për Zonat e Mbrojtura” rrezikon trashëgiminë kulturore
• “Resorte në zonat e mbrojtura”- Zhupa: Ligji kthen parqet kombëtare në kantiere