Boçi: Do e fik inceneratorin e Elbasanit, do bëj auditim dhe raporte me ekspertë

Kandidati i koalicionit “Bashkë Fitojmë” për bashkinë Elbasan, Luçiano Boçi tha në emisionin Now në Euronews Albania se nëse do të ishte kryetar bashkie do ta fikte inceneratorin.

Boçi shpreh se arsyeja pse duhet mbyllur inceneratori i Elbasanit është se ai konstruksion metalik ka teknologji tjetër dhe helmon njerëzit në Elbasan.

“Nuk dua që Elbasani të bëhet vendi i grumbullimi të plehrave të gjithë rajonit. Elbasani 70 mijë tonë prodhon dhe duhet të sillen aty 140 mijë tonë. Pse duhet të vijnë plehrat e të tjerëve në shtëpinë time? Prezupozohej që do prodhonte energji, gjë që nuk u bë, kjo është korruptive. Po të isha kryetar bashkie do ta fikja, do ta mbyllja inceneratorin. Ka kushtuar 27 mln euro, jeta e një njeriu është e paçmuar. Do e zgjidhim brenda një menaxhimi, do bëhet një auditim nga specialistë të mjedisit dhe ekonomisë se është edhe jo eficente, dhe në bazë të raporteve të kostos të shëndetit dhe të mjedisit, nëse i ka parametrat të rrëzuara në tokë merret vendim nga bashkia, qoftë edhe me peticion që të vendoset që ai të ndalohet. Ka mbaruar kontrata nga koncesionari, sot është në sekuestro nga SPAK që ka vendosur një administrator”, tha Boçi.

LEXONI GJITHASHTU:

• Lita kapet me Boçin: Kërcet fushata jote pozitiviste në Elbasan, fsheh krimin
• Paralajmëron Boçi: Po përgatitet skema e blerjes së votave, ja kë do çoj në SPAK