Bordi i Transparencës rrit çmimin e naftës dhe nënprodukteve të saj

Bordi i Transparencës ka vendosur të premten rritjen e çmimit të naftës dhe nënprodukteve të saj. Sipas vendimit, çmimi i shitjes me pakicë i gazoilit të standardit SSH EN 590 nuk duhet të kalojë 224 lekë/litër, ndërsa çmimi me shumicë përcaktohet në 212 lekë/litër. Ky nivel pason uljen e akcizës me 20% dhe një ulje të TVSH-së me 9.5 lek/litër.

Po ashtu, çmimi i shitjes me pakicë i benzinës së standardit SSH EN është vendosur 181 lekë/litër, ndërsa me shumicë 169 lekë/litër.

Çmimet e reja hyjnë në fuqi sot, datë 3 prill, ora 20:00, dhe do të mbeten të vlefshme deri në mbledhjen e ardhshme të Bordit, ku do të pasqyrohen ndryshimet e radhës.

Bordi tërheq vëmendjen e operatorëve të shitjes me shumicë dhe pakicë për zbatimin e vendimit, ndërsa shkeljet mund të sjellin pezullimin e aktivitetit.

Ministria e Ekonomisë dhe Inovacionit, së bashku me Ministrinë e Financave dhe Ministrinë e Infrastrukturës dhe Energjisë, janë angazhuar për të mbrojtur interesat e konsumatorëve shqiptarë dhe për të garantuar konkurencë të ndershme në treg.

Njoftimi i plotë

Bordi i Transparencës në datë 3 Prill 2026, në mbledhjen e radhës vendosi:

✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 224 lekë/litri, ndërsa i shitjes me shumicë jo më shumë se 212 lekë/litër. Kjo në zbatim të Aktit Normativ të miratuar sot, niveli i akcizës u ul 20 % ose e bashkë me TVSH ulja me 9.5 lek/litër.

✅Çmimi i shitjes me pakicë i nënproduktit benzinë e standardit SSH EN të jetë jo më shumë se 181 lekë/litri,ndërsa i shitjes me shumicë jo më shumë se 169 lekë/litër.

🗓Çmimet e caktuara nga Bordi do të hynë në fuqi sot datë 3 ora 20.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

🛢 Ministria e Ekonomisë dhe Inovacionit sëbashku me Ministrinë e Financave dhe Ministirinë e Infrastrukturës dhe Energjisë janë angazhuar të mbrojnë interesat e konsumatorëve shqiptarw dhe ruajtjes së parimeve të konkurencës së ndershme në treg.