Braçe: Institucionet antikorrupsion duhet t’i nënshtrohen një reforme të thellë

Deputeti i Partisë Socialiste, Erion Braçe tha se institucionet që luftojnë korrupsionin duhet t’i nënshtrohen një reforme të thellë.

Komentet Braçe i bëri në mbledhjen e Komisionit Antikorrupsion, ku tha se ka 35-vite që kjo strukturë nuk ndryshon.

Ai shtoi gjithashtu se nuk ka gjë më të tmerrshme se korruptimi i institucioneve të antikorrupsionit.

“Një pjesë e rëndësishme e institucioneve që luftojnë korrupsionin duhet t’i nënshtrohen një reforme të thellë, kanë 35 vjet që nuk ndryshojnë, në strukturë, në funksione, për 35 vite të bësh të njëjtën gjë nuk mund të presësh rezultate të tjera, edhe nën vullnete politike një pjesë e tyre janë korruptuar.

Më besoni nuk ka gjë më të tmerrshme në vend se sa korruptimi i instrumenteve të antikorrupsionit, nëse bien dhe ato pastaj mund të pranojmë gjerësisht se s’mund të ketë betejë antikorrupsionit. Çlirimin e instrumenteve të antikorrupsionit dhe një imunitet që t’i japim për t’u mbrojtur nga korrupsioni”, tha Braçe.

LEXONI GJITHASHTU:

• Mblidhet Komisioni i Posaçëm Antikorrupsion, Xhafaj zbulon parimet bazë të procesit
• Mbahet mbledhja e komisionit antikorrupsion, opozita bojkoton sërish